Giklaro ni Mayor Oscar Moreno nga walay politika ang iyang sulat nga gipadala kang Kapitan Maximo Rodriguez nga didto sa iyang sulat iyang gidetalyi nga walay katungod ang mga barangay officials sa Nazareth nga ilang tokoran sa building ang Lawn Tennis Court sa maong barangay.
Matud ni Moreno nga bisan ang City hall, walay katungod nga ilang tokoran sa building ang Lawn Tennis court sa Nazareth kay ang maong luna sa yuta gigahin alang sa recreation area sa Nazareth Subdivision ning syudad sa Cagayan de Oro.
Ang pahayag ni Moreno human sa mando ni City Administrator Teddy Sabuga-a nga iyang gipa-ablihan sa mga officials sa Nazareth ang ilang gi-podlock nga Tennis court sa maong barangay.
Matud ni Moreno nga sigon sa gimando sa balaod nga ang matag subdivision dunay luna aron himoon nga recreation sa mga home owners.
