General Santos City—gimando ni South Cotabato PNP Provincial Director Police Sr. Supt. Nestor Salcedo ngadto sa hepe sa Polomolok Municipal Police Station nga palig-unon ang seguridad sa ilang buhatan tungod sa posibling pagpanimalos sa mga kaubanan sa napatay nga si Alias Saiden Nilong atol sa shootout nga natigayon sa Pagalungan Highway niadtong Martes sa gabie.
Sumala ni PS/Supt Salcedo nga dili layo nga manimalos ang mga nasangpit ngadto sa kapulisan human nga napatay ang ilang kauban.
Gikaingong ang nakaengkwentro sa kapulisan sa Polomolok gidudahang miyembro sa gun for hire, suspek sa pagpanulis, kinawatay ug motorsiklo ug uban pang krimen sa lungsod.
Dili buot sa opisyal nga masubli ang nahitabo sa kanhing deputy Chief Of Police sa Polomolok Municipal Police Station nga ni PSI Hernan Gabat nga napatay sa mga kriminal nga naglihukan sa lungsod niadtong nakalabayng tuig.
