Gipalusot nga mga sigarilyo nga nibalor sa dul-an 400 mil nakumpiska sa mga otoridad ning syudad

20

Pagadian City – Malampuson nga nakumpiska sa mga otoridad ang mga gipalusot nga mga sigarilyo dihang dapita sa checkpoint at Community Police Assistance Center kun Compact sa may Tiguma Checkpoint (COMPACT) ning syudad sa Pagadian kagabii.
Pinaagi sa inipon nga pwersa sa kapulisan sa Pagadian City Police Station ug 1st Zamboanga del Sur Police Mobile Force Company naharang ang usa ka unit sa Isuzo Bonggo kolor pula nga gatangag sa plaka numero JAG5665 nga gimaniho ni Jerwin Glenogo Avila, 40-anyos, lalake, minyo, residente sa Purok Fisherville, Lumbia, sakop ning dakbayan.
Sa dihang gisusi sa mga otoridad ang sulod sa maong sakyanan positibo nga naa sa sulod ang nibalor sa 360 mil ka pesos nga mga smuggled nga mga sigarelyo nga gilangkuban sa 10 ka kahon sa Astro, 2 ka karton sa San Marino, 1 ka karton sa Berlin, ug 5 ka karton usab sa Nelson.
Nasiplatan nga ang gituhuang mga smuggled nga mga sigarilyo ang wala kini nakabutang nga Tax Stamps .
Ang mga gipalusot nga mga sigarilyo ang gidala sa buhatan sa kapulisan ning syudad ug gi-aresto ang driver sa maong sakyanan sa kasong paglapas sa RA 8424 kun An Act Amending the National Internal Revenue Code, as amended, and for other purposes.//CTTO – Pagadian City Police Station

Facebook Comments