General Santos City— luwas na sa baba sa kamatayon ang body guard ni Tupi, South Cotabato Mayor Reynaldo Tamayo human kining gipusil sa wala pa mailhing suspetsado niadtong nakalabayng adlaw.
Una nang gidala sa ospital sa South Cotabato ang biktimang si Sandro Lorenzo, 44, residenti sa Barangay Lunen, Tupi.
Sa initial investigation sa Tupi PNP nasayran nga sakay ang biktima sa iyang motorsiklo uban sa anak niini dihang kalit ra kining gipusil sa upat ka suspek nga sakay sa motorsiklo, igo sa iyang lawas.
Paspas nga misibat ang mga suspetsado human sa pagpamusil, samtang ang biktima gidala dayon sa ospital.
Una nang giangkon ni Tupi Mayor Tamayo nga daan na silang dunay bahad sa kinabuhi sa biktima ayha pa nahitabo ang pagpamusil. Wala na nuon naghatag pa ug dugang detalye ang mayor kalabutan niini.
Sa karon nagpadayon pa ang gihimong imbistigasyon sa kapulisan kalabutan sa insidenti.
