South Cotabato – usa patay samtang usa angol sa nahitabong pagpamusil sa wala mailhing suspek sa may Barangay Bukay Pait Tantangan, alas -9:40 sa buntag kagahapong adlawa.
Giila ang namatay nga si Ronald Rivera Bucaneg, 42, residente sa Barangay New Isabela, Tacurong City samtang giila usab ang samdan nga si Joel Santiago Macay, residente sa Tantangan, South Cotabato.
Base sa inisyal nga imbistigasyon sa Tantangan Municipal Police Station nasuta nga padulong unta ang duha ka mga biktima sa Regional Land Transportation Office (LTO) aron asikasuhon ang clearance sa motorsiklo nga ginanegosyo sa mga nasangpit.
Apan pag abot sa lugar, sila gipamusil sa mga suspetsado nga sakay sa motorsiklo. Patay on the spot si Bucaneg human nakaangkon ug grabeng samad sa lawas ug sa iyang ulo nga bahin, samtang gidala sab sa mga bystander ang kaubanan niini nga si Macay sa ospital sa Koronadal City. Basi sa pakighinabi sa kapulisan ngadto sa pamilya sa biktima nasuta nga daan nang dunay bahad sa iyang kinabuhi ang nasangpit.
Photo Credit to: Jazer Arzaga
