South Cotabato–Utas ang kinabuhi sa usa ka mag-uuma nga si Simion Sulang, 53, residenti sa Sitio Bulo Lahak, Barangay Klubi, Lake Sebu, South Cotabato human kining gitigbas sa suspek nga si Ramon Aman, legal age, silingan ra sa biktima niadtong nakalabayng adlaw.
Subay sa report sa Lake Sebu PNP naglalis matud pa nag biktima ug ang anak sa suspetsado, samtang naglalis ang mga nasangpit miabot ang suspek nga may bitbit nang sundang dayon gitigbas ang biktima pila ka higayon nga hinungdan sa iyang kamatayon.
Paspas nga misibat ang suspek human sa gihimong krimen samtang ang biktima wala na nadala pa sa ospital human nga nakabsan gilayon sa iyang kinabuhi. Sa karon padayon ang gihimong imbistigasyon sa kapulisan kalabutan sa insidenti.
Facebook Comments
