Nagpaalim pa sa balay tambalanan ang usa ka pinangita sa balaod human kini samaran sa nahitabong pagsinukliay ug buto sa gihimong pag silbi sa warrant of arrest niadtong adlawng myerkules.
Bitbit sa hini-usang pwersa sa kapulisan gikan sa 905th MC sa RMFB9 ug salug MPS ang warrant batok kang Barcello Bendo didto sa may barangay Pacuhan ug brgy. Pukay pulos kini sakop sa lungsod sa Salug.
Si Barcello Bendo lumad kini nga taga Kabasalan, Zamboanga Sibugay ug temporaryo kining nanimuyo sa Brgy. Pukay, Salug. Adunay kini tanggong nga warrant sa kasong murder.
Sa dihang isilbi na unta ang warrant sa mga tinugyanan sa balaod unang mipabuto ang suspetsado sa dihang iyang namatikdan nga siya ang target sa operasyon.
Mibalos usab ang mga kapulisan sa pagpabuto ug didto nakaangkon ug samad pinusilan hinungdan nga dali usab kining gidala sa pinakaduol nga balay tambalanan nga mao ang Liloy General Hospital, nakuha sa lugar nahitaboan ang usa ka unit sa kalibre 38.
Ang person of interest gi balhin kini sa ZANORTE Medical Center dinhi sa dakbayan sa Dipolog ug gwardiyado kini sa personahe sa 905th MC.
Lauman nga pormal ng mapasaka ang kaso batok sa maong dinakpan.
