General Santos city—Patay ang gituohang kawatan human nga napusilan sa gwardya sa patigayong iyang gisudlan sa may Barangay Lagao Gensan ala 1:10 ang takna sa kabuntagon.
Giila ang maong lalaki nga si Rodel Pendatun, 37 anyos nga taga Barangay Spring, Alabel, Sarangani Province.
Sa Inisyal nga imbistigasyon sa Police Station 3, naabtan sa gwardyang si Jose Boral, 29 anyos, Stay In sa Raymar trading si Pendatun nga nag pas-an na ug usa ka sakong copras. Pagkita sa suspek sa gwardya iyang gihagbong ang kopras dayon giduol ang security guard dayon nakig-inilugay ug pusil.
Dihang nakabintaha ang gwardya iyang gipusil ang lalaki igo sa lawas nga hinungdan sa iyang kamatayon.
Gidala pa kini sa ospital apan gideklara kining dead on arrival samtang ang nakapusil nga gwardya mitahan sa Police Station 3.
