Glan, Sarangani Province–Gipasalamatan ni Police Lieutenant Colonel Aldrin Gonzales, Hepe sa Glan Municipal Police Station ang katawhan sa munispyo sa Glan tungod sa ilang kooperasyon ug disiplina sa pagsunod sa health protocols ug sa pagtuman sa uban pang mga kamanduan ni Mayor Vivien Yap batok Covid-19.
Sumala pa ni Gonzales nga duna silay mga gipangdakop nga mga tawo nga naglakaw-lakaw sa pampublikong lugar sa lungsod nga walay sul-ob nga facemask human nga gimando sa Mayor ang estriktong pagpatuman sa health protocols tungod sa padayong bahad sa covid-19 sa maong munisipyo.
Kahibaluan nga una ng nadismaya si Mayor Vivien Yap tungod sa wala pagsunod sa health protocols sa mga tawo sama sa pagsul-ob ug facemask ug uban pa.
Dugangan pa nga daw sa wala mahadalok ang mga katawhan sa makamatay nga virus. Una nang gihingusgan ni Mayor Yap nga dapat mag-amping gyud ang katawhan batok sa maong balatian gumikan usa kini ka delikado nga balatian kansa daghan nang tawo nga nataptan niini ang nakabsan ug kinabuhi dili lang sa nasud kon dili sa tibuok kalibutan.(RV)
