Davao City – Subay sa datus sa World Health Organization (WHO), anaa sa 1.25 million ka indibidwal ang mamatay sa disgrasya sa dalan kun road crashes matag tuig o anaa sa average 3,287 ka patay matag adlaw. 20 hangtud sa 50 ka milyon usab ang ma injured o kaha disable.
Sa datos, kapin tunga sa tanang mga road traffic death gikalambigitan sa 15-44-anyos. Ang road traffic crashes anaa sa ika-siyam nga hinungdan sa kamatayon sa mga kabataan nga nag edad og 15-29, ug ikaduha sa leading cause sa kamatayon sa tibuok kalibutan sa mga nag edad og 5 hangtud 14 anyos.
Matag tuig, anaa usab sa 400,000 ka tawo nga nag edad ubos sa 25 ang mamatay sa world’s roads o average sa 1,000 matag adlaw.
Anaa usab sa 90% sa tanang road fatalities sagad mahitabo sa low ug middle-income countries. Sumala pa sa Association for Safe International Road Travel kung walay kampanya batok sa safety driving, gilaumang ang mga road traffic injuries ang mabutang sa ika-lima nga leading cause of death sa 2030.
Nasayran nga ang road safety usa ka shared responsibility. Ug ang pagpa-ubos sa risgo sa sistema sa road traffic sa tibuok kalibutan nanginahanglan og commitment sa mga gobyerno sa matag nasud sa kampanya labot sa kaluwasan diha sa dalan.
RadyoMaN Kirby Manzon
