Nagapahanumdom si Gov. Eugenio Jose Lacson sa mga government doctors nga magtutok sa mga hospital nga ila ginaserbisyuhan kag indi na anay mag-private practice.
Ini ang kasunod sang pagpositibo sang tatlo ka mga doktor sa Teresita Lopez Provincial Hospital sa ciudad sang Silay sa diin isa sa ila nakuha ang virus sa pribado nga hospital sa diin siya nag-private practice. Nahibaluan nga nagpaguwa sang memorandum order si Lacson para sa mga government doctors sang probinsiya nga nagadumili sa ila nga mag-private practice samtang yara pa ang coronavirus.
Nahibaluan nga gin-suspend sang provincial hospital ang admission sang mga pasyente bangud sang pagpatigayon sang disinfection kasunod sang pag positibo sang tatlo sa COVID-19.
Sa pihak nga bahin, indi pabor si Gov. Lacson sang posibilidad sang pagbalik sa Enhanced Community Quarantine (ECQ) sa probinsiya kag suno sa iya, bisan may yara na sang local transmission sang virus, importante nga yara ang mga infected sa mga quarantine facilities.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
