BAGO CITY – Ginpangunahan ni Gobernador Alfredo Marañon Jr. Sang probinsya sang Negros Occ. ang field day kag harvest festival nga gin hiwat sa Sitio Camingawan, Brgy. Taloc syudad sang Bago.
Ginpakita diri ang pag-ani sang humay paagi sa mekanisayson ukon harvester.
Madumduman ginpakilala ang mekanisasyon nga pagtanum kag pag-ani sang humay una gid sa syudad sang Bago bangud sobra sa 200 ektaryas diri ang humayan kag ginalantaw nga rice granary ini sang probinsya.
Dugang pa sang gobernador nga ini nga proyekto ang mahimo man nga magamit sang iban nga mga kabanwahanan kag syudad bangud dako ang mabulig sini sa pagtanum kag pag-ani nga indi na kinahanglan ang madamo nga trabahador kag madasig pa ang pagtrabaho.
Ang aktibidades ginsakdag sang Office of the Provincial Agriculture sa pagpamuno ni Provincial Agriculturist Atty. Japhet Masculino upod man ang mga mangunguma nga katapo sang Newton Camingawan – Para Farmers Association.
Ginsaksihan man ini sang mga representante gikan sa Department of Agriculture, National Irrigation Administration, National Food Authority, Philrice, Land bank of the Philippines, Philippine crop Insurance, Buyer Crop Science kag mga public officials sang syudad sang Bago. / Grace Supe
