Pagadian City – Adlaw nga lunes oktobre 30 niining kasamtangan nga tuig nipakanaug og usa ka resolusyon ang National Police Commission (Napolcom) arun paglangkat sa gahom sa gobyernador sa Zamboanga del Sur pagkontrolar sa kapulisan ning probinsya.
Ang Resolution No. 2017-571 nga pirmado sa Officer-in-Charge sa Department of Interior and Local Government nga si Catalino Cuy, uban sa pipila ka commissioner ug hepe sa NAPOLCOM nga si Elvira Bautista nga nag-uluhan‘’ WITHDRAWING THE POWER OF OPERATIONAL SUPERVISION AND CONTROL OVER THE PNP OF GOVERNOR ANTONIO CERILLES OF ZAMBOANGA DEL SUR”.
Ilalom sa section 64 sa akta republika 8551 ang gobernador ug mayor otomatiko nga deputized isip representante sa Napolcom diin dunay gahom pagsuta puwersa sa kapulisan, pagpahigayon sa pag-audit ug uban pang gahom.
Gani sa section 51(a) sa Akta republika 6975 ang provincial governor gitahasan sa pagpili sa itudlo nga PNP provincial director pinaa usab sa tulo kapangalan nga isumite gikan sa PNP regional director.
Apan ilalom sa republic act 8551 ug section 52 sa akta republika 6975 ang presidente dunay gahom sa pagwithdraw ug pagsuspenso sa deputization nga gihatag sa mayor ug gobernador.
Gipatik usab sa resolution nga gumikan sa nadawat sa commission nga confidential report sa pag-abuso sa gahom ni cerilles maoy rason sa maong pagwithdraw sa iyang deputization sa Napolcom.
Sa habig usab ni Cerilles gipunting niini ang iyang pagbabag sa pederalismo ug paglakag iligal nga quarry sa probinsya ang posible nga rason sa pagawas sa maong resolution.
Apan sumala pa sa gobernador ang nahitabo kaniya magsilbi usab nga hinungdan sa pagpalapnag labot na sa pagkontra sa Pederalismo.
Plano karun sa kampo ni cerilles nga musulat og tubag ug lakip ang pagpadala sa mga kopya sa mga award nga nadawat sa probinsya usa na niini ang pagdeklara nga ang Zamboanga del Sur ang labing malinawon nga probinsya sa tibuok Mindanao.
