Bangod kay ‘low-risk’, magasulat naman si Governor Bong Lacson sa National Inter-agency Task Force nga iya i-appeal nga dapat pa i-extend ang General Community Quarantine sa Negros Occidental.
Suno sa gobernador, indi nya gusto nga irisgo ang kabuhi sang mga Negrosanon sa karon bangod para sa iya wala pa ini natapos. Iya hingyuon nga bisan tubtob lang sa katapusan sang Mayo, ara kita sa General Community Quarantine.
Samtang ginpahayag naman ni Provincial Administrator Atty. Reyfrando Diaz nga dapat kon i-lift gid man ang community quarantine sa probinsya, nakahanda na dapat ang atun kaugalingon nga bio-lab sa Teresita Jalandoni Memorial Hospital sa Silay City.
[image: image.png]
Facebook Comments
