Gibutyag ni Misamis Oriental Governor Bambi Emano, nga adunay Local Stranded Individuals kon LSI nga nakatugpa sa Laguindingan airport nga walay dala nga dokomento sama sa travel authority nga gipahamtang sa Departemnt of Interior and Local Government kon DILG, Department of Health kon DOH, ug Inter Agency Task Force kon IATF.
Matud ni Governor Emano, kini ang mga hagit karon nga ilang gihisgutan bag-ohay lang.
Dugang pa sa gobernador, nga naghatag sila og 120 ka Personal Protective Equipment kon PPEs sa mga airport police, tungod kay kini ang mga frontliners sa airport ug mao ang moatubang sa mga Overseas Filipino Workers kon OFWs ug LSI.
Samtang…..
Malipayon nga gipahibalo ni Governor Bambi Emano nga iya ng natunol ang tseke ngadto kang School Division Superintendent Dr. Jonathan Dela Pena.
Matud ni Governor Emano nga mokabat sa tres milyones pesos ang iyang gitunol, alang sa Brigada eskwela.
Dugang pa sa gobernador nga gikuha ang maong salapi sa Local School Board Fund.
