Tuig 2014 pa matud pa nagsugod ang pagpagawas sa Bureau of Correction kon BUCOR sa mga inmates nga konbiktado sa sa heinous crimes.
Sa interview sa RMN Malaybalay ngadto kang Bukidnon Second District Congressman Atty. John Flores, gibutyag niini nga kini ang nigawas sa ilang gihimong inquiry kalabot sa kontrobersyal nga good conduct time allowance kon GCTA Law.
Si Atty. Flores, ang Vice Chairman sa Committee on Justice sa house of the representative.
Matud ni Cong. Flores nga kinatibuk-ang 2, 160 na ang na-release sa Bucor sugod niadtong tuig 2014.
Sigun pa ni Flores nga kung wala maapil ang pangalan ni Mayor Sanchez dili kini mahatagan ug attention ug magpadayon ang pag release sa mga convicts.
Nagtoo usab si Flores nga angayang amendahan ang mao nga balaod.
Katarungan niya nga adunay kalibog sa mao nga balaod tungod kay nagtoo ang Bucor nga in good faith mamahimo nilang e-release ang mga convicted sa heinous crimes apan gipamugos usab sa Department of Justice nga dili pwedeng ipagawas ang mga konbiktado sa heinous crimes.
Nasayran nga ang Bucor ilawom sa DOJ.
