Pinaagi sa balaod nga ‘’ Good Conduct Time Allowance ‘’ paspas ang pag-ubos sa ihap sa mga preso sa City Jail.
Pinaagi niini, makuhaan ang panahon sa sentensiya sa mga binilanggo kung kini magpakita sa ilang maayong binuhatan kon pamatasan.
Matud ni Male Dormitory City Jail Warden Supt. Erwin Kenny Ronquillo, nga bisan sa pag-ubos sa ihap, anaa pa gihapon sa 520.45% congestion rate ang nahiaguman sa City Jail male dormitory.
Mahinumduman nga base sa United Nations Minimum Standard Rules for the Treatment of Prisoners, mo-akomodar lamang unta sa 291 ka mga binilanggo ang City Jail apan kini nga suliran hinayhinay na nga masulbad ilabi na nga hapit na mahuman ang mga buildings nga gipatukod sa Local Government Unit ning syudad.
Facebook Comments
