Pwede nang ipatuman sa Cagayan de Oro City Treasurer’s Office ang piso nga umento sa pletihan sa motorela busa mahimo na kining siete pesos.
Kini ang gibutyag ni Mayor Oscar Moreno sa iyang program sa dxCC-RMN Cagayan de Oro nga Gikan sa Katawhan, Ibalik sa Katawhan.
Matud ni Moreno nga wala niya pirmahi ang gi-aprobahang ordinansa sa city council apan mahimo na kining ipatuman sa City Treasurer’s office kay milapas na ang napulo ka adlaw human gi-aprobahan sa konseho ang bag-ong City Ordinance.
Ang maong ordinansa nagmando alang sa umento sa singil sa plite sa mga motorela ning syudad sa kantidad nga piso kada pasahero.
Gipasabot ni Moreno nga wala na kinahanglana ang pirma sa mayor aron ipatuman ang ordinansa nga nagmando alang sa umento sa singil sa plite sa motorela.
Kay matud sa Mayor, nga duha ka paagi aron mapatuman ang usa ka balaod, una, kinahanglan pirmahan sa Chief Executive ayha ipatuman, ang ikaduha, ipalapas lang ang prescribe period human ang maong balaod gi-aprobahan sa City Council.
