May bigtime rollback na naman sa presyo sa mga produktong petrolyo sa masunod nga semana.
Suno sa kompaniya nga Unioil, indi mag nubo sa 2 ka piso ang gina ekspektar nga buhin sang mga motorista.
Suno kay DOE Oil Industry Management Bureau Dir. Rodela Romero – ini may kaangtanan sa mataas nga produksyon sang langis apang manubo ang demand sini sa world market.
Sa nakaligad ngga apat ka semana, masubra P5.00 na ang gin nubo sa presyo sang kada litro sang Gasolina, P3.00 sa diesel kag P2.00 sa kerosene.
Indi naman ma siguro sang DOE kung sige sige ini tubtob sa Disyembre kung sa diin gina paabot nga maga taas naman ang demand sang langis.
Bangud sa sunod sunod nga rollback, naga duso sa mga pasahero nga panubuan ang plete.
Facebook Comments
