Aprobado na sa 2nd reading ang ginaduso nga ordinansa ni 3rd district Board member Lorenz Defensor nga nagatuyo magpain sang pondo agud isustener sa health care program sa mga ginakabig isolated kag disadvantage Barangays sa probinsiya sang Iloilo.
Ginabulubnata 400 ka mga kabarangayan ang ginakabig mga malayo kag mabudlay hatagan sang bulig sang Provincial government bangud man sa Geographical classification sini nga mabukid ukon talabukon pa sa dagat kaangay sang mga isla.
Tinutuyo sang ordinansa nga mabuligan pinaagi sa pagpain sang 5-10 million pesos agud ibakal sang mga bulong nga kinahanglanon sang mga identified isolated Barangays.
Samtang, ginhatagan pagtamod ni Board member Defensor ang rason kon ngaa himuon niya gid nga mandatory ukon ipasar bilang ordinansa ang programa agud indi ini maapektuhan ukon madula sa tion nga maglain man ang administrasyon ukon Gobernador sa Probinsiya sang Iloilo.
