General Santos City—nagpagawas ug tig P50,000.00 nga reward si South Cotabato Governor Daisy Avance Fuentes alang ngadto sa duha ka mga puganteng piniriso sa South Cotabato Reformatory and Detention Facility nga una nang misibat niadtong Enero 15.
Mismong si Provincial Jail Warden Juan Lanzaderas maoy nikumperma niini.
Una nang misibat ang mga priso nga silang si Oting Mandu, may kasong illegal drugs ug si Andy Evangelista nga may kasong carnapping.
Sumala ni Lansaderas nga ila nang giawhag karon ang pamilya sa duha ka mga priso aron sila tabangan sa pag-awhag sa mga nahisgutan nga mutahan.
Una nang migawas ang mga impormasyon nga ana matud pa sa Sultan Kudarat ug sa Maguindanao Province nagtago-tago ang duruha. Sa karon padayon ang pakig-alayon ni Lansaderas ngadto sa pamilya sa duha ka pugante sa pamasin nga sila makatabang sa subling pagpasurender sa mga nasangpit.
Samtang nanawagan sab kini ngadto sa katawhan nga kung ilang makit-an ang duruha ngadto sa ilang lugar, ipahibalo dayon sa pinakaduol nga estasyonan sa Pulis o dili ba kaha sa ilang buhatan.
