General Santos City— Giangkon ni Sarangani Governor Steve Solon nga adunay mga nanggawas nga mga taho nga adunay mga extremist nga hinay-hinay nga nagasulod sa nasud.
Busa iyahang gina-awhag ang katawhan nga magpabiling mabinantayon hilabi na sa probinsya sa sarangani aron nga dili masudlan. Iyaha man usab ginapangayo ang suporta sa katawhan ngadto sa kapulisan, militar bisan na ang mga civilian group aron mabatukan ang usa mang matang sa terorismo.
Dugang pamahayag ni Gov. Solon nga sa karon, ilalom sa bag-ong liderato sa Sarangani Provincial Police Office pinaagi ni Police Senior Superintendent Macalangcom, postibo siya nga matutukan ang terorismo.
Kini gumikan, aduna matud pay programa si Col. Macalangcom aron mabatukan ang Moro Extremism ingon man ang communist extremism ug tanang matang sa terorismo.
Rason nga mamahimo matud pang mas maayo ang relasyon sa provincial government sa Sarangani ug sa ilahang lokal nga kapulisan.
