Nagpatawag ug Press Conference si Bukidnon Provincial Governor Jose Ma. R. Zubiri Jr. aron hisgutan ngadto sa mga membro sa media ang updates sa COVID-19 sa probinsya didto sa Kaamulan Folk Arts Theater, Kaamulan Capitol Compound, Malaybalay City, Bukidnon kagahapon.
Lakip nga mitambong sa press conference si PNP-Bukidnon Police Provincial Director Police Col. Roel L. Lami-ing, Dr. Gary Guido C. Tabios, Jr.- Medical Officer III, OIC Provincial Health Officer, Dr. Miguel Antonio Prantilla- Chief of Hospital sa Bukidnon Provincial Medical Center o BPMC sa Malaybalay City, Provincial Administrator Atty. Jay S. Albarece, Provincial Legal Officer Atty. Paul Vincent Villegas kauban ang mga legal council sa probinsya, Provincial Engineer Albert B. Yulo, Provincial Agriculturist Alson G. Quimba ug Provincial Budget Officer Fe C. Retuertas lakip na ang mga membro sa media sa nagkalain-laing estasyononan sa radyo ug newspaper sa probinsya.
Sa maong presscon mihatag ug update si Dr. Tabios sa media diin iyang gibutyag nga sa kasamtangan as of October 9, 2020, 1:30pm, nga aduna na’y natala nga 466 kaso sa COVID 19 sa atong probinsya, 204 niini ang aktibong kaso, 258 ang nakarekober ug 8 na ang natala nga namatay. 205 usab ka kaso ang nagikan sa mga Locally Stranded Individuals o LSI’s ug Returning Overseas Filipino Workers’ of ROF’s ug 261 ang local cases. Pabiling nag-una sa daghang mga kaso ang mga syudad sa Valencia ug Malaybalay samtang nagsunod niini ang munisipyo sa Manolo Fortich.
