Gipasidan-an ni Misamis Oriental Governor Bambi Emano ang publiko nga magmabinantayon ug maigmaton sa ilang palibot.
Kini kalabot na sa posibleng pag-ulbo sa kagubot nga hatud sa mga teroristang grupo.
Matud ni Gobernador Emano nga bisan tuod luwas ang lalawigan sa Misamis Oriental gikan sa pagpangatake sa terorista apan mas maayo nga dili magkompiyansa, inay makigtambayayong sa otoridad alang sa hingpit nga seguridad.
Kini nga pahimangno giluwatan sa gobernador human ang pagbusikad didto sa Basilan ning bag-o nga mihunos sa 11 ka kinabuhi ug mi-angol sa pipila ka tawo sa lugar.
Apan hugot nga nagtuo si Gobernador Emano nga luwas ang lalawigan gikan sa susamang insidente tungod sa hugot nilang koordinasyon sa kapulisan.
Bisan si PNP-Misamis Oriental Provincial Police Office Chief Rolando Destura mibutyag nga walay angay’ng kabalak-an sa seguridad sa lalawigan.
Apan gipasabot niini nga importante gayud gihapon ang pakigtambayayong sa katawhan pag-mentinar sa kahusay ug kalinaw.
