ILOILO City – Gindeklarar ang Pebrero 11 sang kada tuig bilang special non-working public holiday sa bug-os nga Isla sang Panay bilang pag-obserbar sa ‘Governor Evelio B. Javier Day.’
Ang Isla sang Panay ginabug-usan sang Aklan, Antique, Capiz, kag Iloilo.
Si Evelio Javier ang isa ka abogado, civil servant kag isa ka politiko sa diin nagserbe ini bilang gobernador sang Antique halin 1971 tubtob 1980.
Sang 1986 presidential campaign, nagtindog ini bilang isa ka opposition lider kontra sa kandidatura ni anay presidente Ferdinand Marcos.
Si Javier ang isa sa mga supporter ni former president Corazon Aquino nga nagpadalagan kontra kay Marcos.
February 7, 1986 ginhiwat ang snap election kag apat ka adlaw matapos sini, samtang padayon pa ang pag-inisipay sang boto sa eleksyon, ginpatay si Javier sang pila ka mga gunmen sa plaza sang San Jose de Buenavista, Antique.
Ang iya lubong gintambungan sang linibo ka mga tawo.
Ang pagpatay kay Javier nangin isa sa mga hitabo nga nagpa-ibwal sang People Power Revolution sa pungsod.
Photo from web
