South Cotabato—nagpagawas ug pagpahimangno si South Cotabato Governor Daisy Avance Fuentes ngadto sa mga lalaking empleyado sa gobyerno sa probinsya batok sa pagtan-aw ug mga hilas nga talan-awon gamit ang computer sa gobyerno panahon sa trabaho.
Sumala sa gobernadora nga makadawat ug sanction ang kinsa mang empleyado sa gobyerno nga madakpang talan-aw ug X-rated nga mga palabas samtang sila anaa sulod sa ilang opisina.
Kahinumduman nga una nang nakadawat ug suwat sumbong si Governor Fuentes gikan sa nagpakabanang indibidwal kalabutan sa pagtan-aw ug X-rated sa pipila ka empleyado. Wala hinuon gibutyag sa Gobernadora kung sa unsang buhatan ang maong empleyado.
Sa karon gipablock na ni Governor Fuentes ngadto sa ilang IB department ang mga pornsite aron nga masigurong wala nay makaabli niini.
