Governor Fuentes wala sang napili sa tatlo ka mga pangalan nga ginsubmitir sa iya nga mangin Police Provincial Director.

Wala siya sang napilian sa tatlo ka mga pangalan nga ginsubmitir sa iya sang Pnp 12 nga magtal-os nga police provincial director sang South Cotabato Ppo suno kay Governor Daisy Avance Fuentes.
May-angot sini, gintugyan niya na lang sa Pnp Regional Director sang rehiyon suno sa gobernadora nga bahala na kon sin-o ang ibutang nga police provincial director.
Suno kay Governor Fuentes isa sa ginpapilian sa iya amo si Police Sr. Supt. Nestor Salcedo nga amo ang ginbutang sa subong nga Oic police provincial director sang South Cotabato Ppo.
Aminado man si Governor Fuentes nga kon officer in charge ang ginbutang ini ang wala na nagaagi sa ila nga mga local chief executives, apang kon indi niya maluyagan ang peformance kag indi masolusyunan ang nagaluntad nga kriminalidad dire sa probinsya, pwede niya nga pahalinon suno pa.
Hangkat man suno pa sa gobernadora sa bag-o nga OIC PD nga solusyunan ang nagadata nga motornapping kag shooting incident sa probinsya partikular na sa syudad sang Koronadal.