Sarangani Province- Gihangyo ni Governor Steve Chiongbian Solon ang Korte Suprema nga magamit na ang nahabiling duha (2) ka Regional Trial Court kon R.T.C. para sa Sarangani Province.
Sa pagbisita niaging semana sa Sarangani Province ni Supreme Court Administrator Justice Jose Midas Marquez kauban ang nangulo sa Philippine Judicial Academy nga si Retired Justice Adolfo Azcuna, gihangyo sa gobernador ang maong lakang aron mas mupaspas pa ang pagtaral sa mga kaso sa Sarangani.
Ang probinsya sa Sarangani ang aduna nay fully-functional nga tulo (3) kabuok RTC sala. Anaa ang Branch 38 ni Honorable Executive Judge Bill Ybarley, Branch 46 ni Honorable Presiding Judge Rebecca Dardo-Seredrica, og Branch 47 ni Honorable Presiding Judge Jose Jerry Fulgar. Nagsugod ang bag-ong mga korte niagi lang bulan sa Mayo. Samtang karong Setyembre baynte-singko (25), si Honorable Presiding Judge Precious Pojas na ang mudumala sa Branch 38 og si Executive Judge Ybarley ang mudala sa Branch 48.
Kung matuman ang gihangyo, mamahimo na unyang unom (6) kabuok ang Regional Trial Court sa Sarangani, og magsilbing extension sa RTC Branch 38 ang JOWS kon Justice on Wheels nga sa pagka-tinuod dako kaayog gikatampo aron paspas ang paghatag og hustisya sa Sarangani gipangunahan ni Executive Judge Oscar Noel.
Kahibaluan nga pinaagi sa Republic Act No. 10123, lima (5) ka RTC ang gidungag sa Sarangani Province, gidugangan ang nag-inusara kaniadto nga Branch 38.
