General Santos City—Aminado si Sarangani Governor Steve Chiongbian Solon nga siya nakurat usab sa nahitabong ronda sa panimalay ni Maasim Mayor Anecito Lopez Jr. kansa gironda sa PDEA, kapulisan ug militar niadtong Byernes.
Sumala sa gobernador nga dili siya makahatag ug komento kabahin sa mga nakuhang shabu, armas ug eksplosibo sa balay sa mayor. mas labaw nga nakapakurat kang Governor Solon ang gidaghanon sa droga, ecstasy, armas ug eksplosibo sa panimalay ni Mayor Lopez ingon man ang gikaingong siya lider sa pinakadakong drug group nga mao ang El Patrol Drug Group.
Giangkon usab ni Governor Solon nga siya nasubo sa gidangatan sa mayor hilabi na nga parti kini sa ilang partido.
Hinuon giawhag nalang ni Gov. Solon si Mayor Lopez nga kung tinuod man nga wala gyud syay kalambigitan sa akusasyon, nan dapat lang nga iyang pamatud-an sa korte nga siya dili guilty ug hinlo ang iyang konsensya.
Apan kung kini nalambigit iyang tubagon nalang sa korte ang kasong gipasang-at.
