Ginasiguro ni South Cotabato Governor Reynaldo Tamayo Jr., nga indi makaoperate ang COVID-19 laboratory testing center sa Dr. Arturo Pingoy Medical Center dire sa syudad sang Koronadal tubtob nga wala sang approval ukon accredition sang Department of Health kag Research Institute for Tropical Medicine ukon RITM.
Ini matapos nga nauna na suno pa nga nagpahayag ang isa ka medical staff sang city government nga indi magsugot tungod mangin delikado kon may COVID laboratory testing sa sentro sang syudad, apang suno sa gobernador sang gin-eksplikaran sila naintindihan man nila matapos nga magasunod man sa protocol kag mga expert man ang magman.
Ginhatagan pa punto sang gobernador nga mas delikado kon indi mapaidalom sa COVID test ang mga suspected cases.
Samtang bukas man suno pa ang nasambit nga laboratory testing center sa iban nga probinsya sa rehiyon kon may pondo man lang nga i-lokar para sa nasambit nga pasilidad.
Nahibaluan nga ang nasambit nga pasilidad ang mangin public private partnership sa tunga sang provincial government kag Dr. Arturo Pingoy Medical Center.
Apang ang pagbutang sang testing laboratory for COVID-19 sa Socsargen Medical Hospital sa banwa sang Surallah nga amo ang proposal sang Sangguniang Panlalawigan sa Department of Health kag Philippine Red Cross nga pondohan paagi sa pagpasar sang isa ka resolution, suno kay Governor Tamayo ang indi suno pa madali-dali kag ginagamit man sa subong ang nagaexister nga testing laboratory.
