Stop…… ukon untatan na ang ilegal nga buluhaton kapareho sang illegal drugs, ini ang nangin hangkat ni South Cotabato Governor Reynaldo Tamayo Jr., sa mga empleyado sang provincial government, matapos nga nadakpan sa drug buy-bust operation ang duha ka mga empleyado sang Provincial Engineering Office sang tinalikdan nga semana.
Suno sa gobernador may isa pa nga wala nadakpan sa nasambit nga opisina nga imbolbado sa illegal drugs.
Dugang pa niya nga bisan si Presidente Rodrigo Duterte na ang nagahambal kag bisan siya may-yara sa gihapon sang pipila ka empleyado sang provincial government ang wala nagapamati.
Apang nagapati ang opisyal nga sa amat-amat mauntat ang amo nga buluhaton sang mga empleyado tungod nagapadayon man ang pagpaidalom sa ila sa drug test.
Ginhatagan punto ni Governor Tamayo nga may-yara sang 100k ka mga core group sa bug-os nga probinsya nga kon anuman ang katuntuhan nga himuon ang madakpan gid.
