Ginhingyo ni South Cotabato Governor Reynaldo Tamayo Jr. sa mga katapo sang Sangguniang Panlalawigan nga amyendaran ang napasar sini nga resolution sadto anay nga paghimo nga expansion area sang South Cotabato Provincial Hospital ang Productivity and Technology (ProTech) Center.
Sa iya nga pag-atubang sa mga katapo sang Sangguniang Panlalawigan kadungan sang ila nga regular session sang Lunes nga adlaw ginhingyo sang gobernador nga i-transfer ang construction sang P200 Million 4-storey hospital building sa Protech center compound imbes sa South Cotabato Provincial Hospital compound.
Sa pagdepensa sini sa SP session, ginhatagan punto ni Governor Tamayo nga 50% sang SCPH ang maapektuhan sa sulod sang duha ka tuig samtang ginapatigayon ang construction sang 4-storey building.
Dugang pa niya nga may approval naman suno pa ang health facilities enhancement program incharge sang Department of Health kag Commission on Audit sa pagtransfer sang site sang P200 million 4-storey building sa Protech Center compound halin sa original site.
Ginpahayag naman ni DOH 12 Regional Director Dr. Aristides Concepcion Tan nga ang ila advice man lang sa provincial government amo nga suportado sang SP ang transfer.
Kinahanglan na suno pa nga i-fast track ang construction matapos nga sang tuig 2018 pa ini naaprobahan.
