Ginhingyo ni South Cotabato Governor Reynaldo Tamayo Jr., sa mga nagpauli kag mga magpauli pa nga mga stranded OFW`s kag subong man mga locally stranded nga residente sang probinsya nga magsunod gid sa ginapatuman nga polisiya sang local government units paagi sa pagpaidalom sa 14 days quarantine para naman sa proteksyon sang bug-os nga South Cotabateños.
Ini matapos suno sa gobernador nga ginalauman nga yara sa 5k tubtob 10k nga mga stranded OFW`s kag mga residente ang magpauli dire sa probinsya nga umpisa sang Lunes nga adlaw dagsa na ang mga nag-abot dire sa probinsya ang pipila sa mga ini.
Ginsiguro niya man nga wala sang matabo nga deskriminasyon sa mga nag-abot nga stranded OFW`s kag residente sang probinsya kag handa man suno pa ang provincial government nga mag-augment sa mga LGU`s kon may kakulangan sa ginpreparar nga quarantine area.
Ginpahayag man ni Governor Tamayo nga sa mga locally stranded nga residente sang probinsya handa ang provincial government nga magsugat sa mga ini.
