Ginaawhag ni Division of South Cotabato Schools Supt. Ruth Estacio ang mga ginikanan kag mga kabataan sa probinsya nga sa subong nga mabudlay ang sitwasyon tungod sa paandam sang coronavirus disease ukon COVID-19 nga kon pwede man lang magpa-enrol ukon eskwela na lang sa mga eskwelahan sa ila nga lugar ukon indi na magtabok sa iban nga banwa ukon dire sa syudad sang Koronadal.
Ini matapos nga base sa ila nga assessment madamo sang mga estudyante nga halin sa mga banwa dire sa probinsya nga nagakaeskwela sa KNCHS kag iban pa nga eskwelahan dire sa syudad sang Koronadal.
Ginahangkat niya man ang mga manunudlo kag principal sa probinsya nga kaayuhon ang pagtudlo kag panamion ang eskwelahan.
Ang nasambit niya nga pahayag ang kadungan sang pag-umpisa na sang enrollment sa Hunyo 1 subong nga tuig.
Samtang ginpahayag man ni Estacio nga indi naman kinahanglan nga magpadulong pa sa eskwelahan agud magpaenrol kundi pwede nga online kag utomatiko naman suno pa nga i-enrol ang mga dati nga estudyante kag nakapatigayon naman sang early enrollment sang Enero ang tanan nga mga public schools.
