Ginkaalarma niya suno kay South Cotabato Governor Reynaldo Tamayo Jr., nga may mga LSI kag ROF nga wala pa nakatapos sang 14 days quarantine period ang ginpaggwa sa quarantine facility sa banwa sang Banga nga isa sa nagpositibo sa COVID-19 ang wala nagsunod sa health protocol matapos nga nagpakasal pa.
May-angot sini, nagpaandam si Governor Tamayo sa mga LSI kag ROF nga wala nagatuman ukon sunod sa health protocol nga pasakaan ang mga ini sang kaso matapos nga may pipila na ang ginpasakaan niya sang kaso sa RITF.
Ginpahayag man sang gobernador nga manabat man suno pa ang mga local chief executive nga wala ginamonitor kag ginpabay-an ang mga LSI kag ROF nga maglagaw-lagaw sa lugar nga wala pa nakatapos sang 14 days quarantine period.
Ginpaandaman man sang gobernador ang mga establishemento dire sa probinsya nga wala pa nag-implementar sang SCCTS ordinance nga sampolan niya paagi sa pagpapanaug sang pinalidad base sa ordinansa matapos nga nag-epektibo na ini sang Hulyo 10.
