14 days total lockdown sa Sitio Awal, Lamba, Banga ginrekomendar sang IPHO South Cotabato, mga nagpositibo sa COVID -19 nga LSI kag ROF naglab-ot sa 28.

26

Ginrekomendar ni South Cotabato Provincial Health Officer Dr. Rogelio Aturdido Jr. sa municipal health officer sang Banga nga himuon nga 14 ka adlaw kag indi lima lang ka adlaw ang total lockdown sa Sitio Awal, Barangay Lamba sa diin nagpositibo sa COVID-19 ang OFW base sa resulta sang RT PCR.
Suno kay Dr. Aturdido ini tungod ang incubation period sang COVID-19 ang 14 ka adlaw amo nga dapat ipatuman gid ang quarantine period.
Samtang base sa pagpangusisa nila suno kay Aturdido kon ngaa ginpapauli sa balay ang mga ROF kag LSI tungod tubtob lang subong nga adlaw ang paggamit sang LGU sang eskwelahan bilang quarantine facility.
Paklaro niya man nga gin-upod ang bana kag bata sang pasyenti tungod nagpositibo ang bata sa rapid diagnostic test kag direkta nga may kontak ang bana nga ginpaidalom na ang mga ini sa RT-PCR test.
Ginpahayag man ni Dr. Aturdido nga ginpaidalom naman sa rapid test ang 25 ka mga nagtambong sa kasal sang OFW.
Sa subong base sa datos sang IPHO yara na sa 4,645 ka mga LSI kag ROF ang nakapauli sa probinsya sa diin 28 sa mga ini ang nagpositibo sa COVID-19 nga pito ang ROF kag 21 ang LSI.
Samtang ginatugyan naman ni Governor Tamayo sa LGU banga ang paghatag sang ayuda sa mga residente sang sitio Awal nga naapektuhan sang lockdown, apang kon indi suno pa kaya sang local government unit magaugment man ang provincial government.


Facebook Comments