Wala sang bayolasyon sa Data Privacy Act ang ipatuman nga Provincial ID Tracking Sytem sang provincial government sang South Cotabato sa tanan nga government agencies/offices kag private companies/businesses para sa himuon nga contact tracing tungod ang kuhaon man lang amo ang pangalan, edad kag address, ID number sang isa ka indibidwal. Ini ang pagpaklaro ni South Cotabato Governor Reynaldo Tamayo Jr.,.
Suno sa iya paagi sini, sa tion nga may-yara sang kaso sang coronavirus disease 2019 ukon COVID-19 sa probinsya madali na nga maidentify ang mga nakaupod sang nagpositibo sa nasambit nga balatian nga simple lamang suno pa ang ipatuman nga individual quarantine pass kag indi man ibutang ang SSS/GSIS number, contact person kag iban pa nga impormasyon.
May-angot sini, ginahingyo ni Governor Tamayo kay Mayor Eliorod Ogena nga kon ano man ang mahimo agud nga mangin isa ang sistema nga ipatuman ang ipalab-ot lang suno pa ang suhestyon tungod handa man suno sa iya ang provincial government nga mag-adjust.
Ginhatagan pa punto ni Governor Tamayo nga ginahanda niya lang ang probinsya tungod kon mabuksan ang border areas indi na masiguro kon makontrol pa ang pagsulod sang COVID-19 sa south Cotabato.
Nahibaluan nga sa ginpaggwa nga Executive Order ni Koronadal City Mayor Eliordo Ogena indi suno pa magasunod ang syudad sa Provincial ID Tracking Sytem tungod bayolasyon suno pa ini sa Data Privacy Act.
Apang ang nasambit nga sistema ang ipresentar sa mga probinsya kag highly urbanized cities sa rehiyon agud nga mangin regionwide ang implementasyon sang nasambit nga tracking system.
