NABALAKA si Bukidon Governor Jose Ma. R. Zubiri Jr., sa nagsaka nga ihap sa kumpirmadong kaso sa COVID-19 diin iyang gihangyo atubangan sa tanang membro sa Provincial COVID-19 Task Force nga pangetaag kasulbaran og solusyon kung unsaon kini maundang og mapugngan.
Basi sa Bukidnon COVID-19 Case Bulletin sa Provincial Health Office, aduna lamang tulo ang natala nga kaso sa bulan sa Mayo og misaka kini ngadto na sa katorse sa katapusang bulan sa Hunyo og as of Hulyo 28 kini nisaka na sa 83 ang kumpirmadong kaso nga maoy hinungdan sa dakong pagkabalaka sa gobernador.
Sa nakuha nga report sa Provincial Disaster Risk Reduction and Management Division, sugod niadtong Mayo 19 hangtud Hulyo 27, 2020 niabot na sa 3,727 ka mga Locally Standed Individual o LSIs og Returning Overseas Filipinos o ROFs ang nakaabot na sa Bukidnon nga gisundo sa probinsya og lokal nga kagamhanan nga diin maoy kasagarang nagpositibo.
Gimanduan usab sa gobernador si Bukidnon Police Provincial Director Colonel Roel Lami-ing, sa istriktong pagpatuman sa mga polisiya diha sa walo ka mga quarantine entry points sa Bukidnon sugod Agosto 1 aron ma proteksyonan ang katawhan beynte-kuatro oras. Gidugang niini nga mohatag ang kagamhanang probinsyal sa suportang pagkaon alang sa naga duty nga kapulisan og mga personahe sa lokal aron mas malahutayon ang ilang pagserbisyo.
