Mapasalamaton ang mga opisyales sa General Parents Teachers Association o GPTA sa Bulua Central School ngadto sa tanang mga ginikanan ug mga magtutudlo.
Kini tungod sa malampusong mga kalihukan ug proyekto nga gihimo sa GPTA uban sa tabang sa mga ginikanan ug mga magtutudlo.
Matud ni GPTA President Antonio Glema nga usa sa mga dakong kalihukan nga gihimo mao ang Family Fun Run nga nag-aghat sa mga ginikanan aron makahatag sa ilang voluntary PTA contribution.
Sa maong Family Fun Run ang GPTA nakakolekta og kapin sien mil pesos nga maoy gigamit alang sa mga proyekto sa tunghaan ug pagbutang sa opisina sa GPTA.
Ang maong koleksyon nakatabang usab sa mga estudyante ug mga magtutudlo nga gasalmot sa mga kompetisyon.
Lakip sa mga gipaningkamotan sa GPTA nga mahatag sa tunghaan pinaagi sa Bulua Barangay Council mao ang basketball court nga gilaumang matukod sa dili pa magbukas ang klase, drum and lyre instruments, printer ug computer set.
