Grade 5 pupil nga ungang babaye, ginhana nga isakay it sangka eaeaki sa anang motor, unga nakaeowas matapos angkiton ro eaeaki ag mapan-uhan it tanod

*Kalibo, Aklan – Naeowas sa maeain nga tuyo it sangka eaeaki nga naka MIO Motorcycle rong Grade 5 pupil matapos nga birahon ag ginhana nga isakay matapos nga inangkit raya it unga ag mapan uhan it tanod kaina sa Brgy. Mabilo, Kalibo, Aklan.*
*Ro nasambit nga unga hay 10-anyos ag naga eskwela sa General F. Castillo Memorial School sa nasambit nga barangay.*
*Suno sa unga nga nagatikang imaw halin sa eskwelahan nag attend it andang nutrition month celebration tag makibot raya nga gulpi imaw ginguyod ko eaeaki pero inangkit na ro suspek ag dumaeagan paadto it karsada samtang ro suspek hay madasig nga pumaharorot it anang motorsiklo pa New Washington nga direksyon.*
*Ro suspek suno sa unga hay maitom it sangkiri, mabukod it eawas, nakakaeo ag first time nana nga nakita sa andang barangay.*
*Dugang pa it unga nga nakita mat-a nana rong motor nga naka parking pero uwa it tawo ag nakita eon lang nana rong eaeaki ag imaw sinalidahan.*
*Matapos rong insidente hay insigida nga gindaea ko anang tiyo ro biktima sa Kalibo PNP agod nga ipa rekord ro nasambit nga hitabo.*
*Nakita man rong suspek sa CCTV footage ko andang barangay ugaling indi makita ro anang itsura ag uwa man it plate number ro motorsiklo.*
*Samtang sa pihak nga parte, napan-uhan man rayang hitabo ko tiyo it biktima nga sangka tanod nga naga agi sakay it anang motorsiklo.*
*Suno kay Mr. Pepito Nepomucino nga gapauli kunta eon ro unga halin sa eskwelahan ag imaw hay naga pa New Washington kunta may ginabakae, pag guwa nana sa highway nakita na nga gindutdot it suspek ro unga sa pader ag nabira sa alima pero inangkit raya ko unga.*
*Pagkapan-o ko unga nga una eon sanda suminggit raya ag ro suspek hay dali-dali nga sumakay sa anang motorsiklo ag pumaeagyo.*
*Ginatinguha pa nana nga eagson ugaling uwa gid nana maabuti bangud sa kadasig ro anang pagpadaeagan.*
*Pasaeamat man si Manong Pepito ay anang haabutan ro insidente ay basi kon uwa hay ano pa ro natabo sa nasambit nga unga.*
*Sa makaron hay padayon pa rong imbestigasyon it Kalibo PNP angot sa nasambit nga insidente.*
*#tatakRMN*

Facebook Comments