Nakumpiska sa kapulisan ang usa ka granada ug armas atol sa ilang gihimong search warrant operation mga alas 7:20 kaganihang buntag sa Balingasag, Misamis Oriental.
Ang suspect nga si Lharry Caman, 40 anyos, minyo ug taga Barangay Cogon, Balingasag, Misamis Oriental ang nakasupak sa Republic Act 9516 o mas nailang Illegal possession of explosives human nakuhaan sa fragmentation grenade.
Samtang ang suspect nga si Cherrie Ann Salvacion nga taga Barangay Mambayaan, Balingasag, Misamis Oriental ang nakasupak sa Republic Act 10591 o mas nailang Illegal possession of firearms human nakuhaan og caliber 22 revolver pistol.
Gihimo ang operasyon pinaagi sa hiniusang pwersa sa kapulisan sa Balingasag Municipal Police Station, Provincial Mobile Force Company, Provincial Investigation, Detection and Management Branch ug Criminal Investigation Detection Group.
