Walay nakumpiskang Improvised Explosive Device, firearms o illegal nga droga sulod sa Cagayan de Oro City Jail Dormitory atol sa gihimong Operation Greyhound.
Ang Operasyon gihimo sa 50 ka mga Jail Officers sa City Jail ug elemento sa PDEA 10 uban sa ilang K9 units.
Matud ni City Jail warden Superintendent Erwin Kenny Ronquillo nga mga minor lang nga kontrabando ang ilang nakuha sulod sa pasilidad sama sa ballpen, kutsara, posporo, kahoy, lansang, wires, baraha ug pirated discs.
Ang maong kalihokan alayon sa kampanya sa Bureu of Jail Management and Penology o BJMP nga Oplan Linis Piitan.
Mahinumduman nga una nang gideklara sa Philippine Drug Enforcement Agency o PDEA nga certified drug free ang City Jail Dormitory nga dunay 1, 531 ka mga bilanggo.
