General Santos City—Sikop sa operatiba sa Police Station 3 ang usa ka GRO nga itago lang sa pangalang Roselyn, legal age ug residenti sa Naranjita Street, Gensan atol sa gihimong buy-bust nga gipahigayon sa Barangay Lagao, Gensan.
Nasikop nag nasampit human kining napalitan ug usa ka sachet sa gituohang shabu gamit ang P500.00 nga marked money.
Subay sa pahayag ni olice major Benhur Catcatan, Hepe sa Police Station 3 ang suspek nga si Roselyn ang may kalambigitan matud pa sa mga walo ka mga personaheng una nang nadakpan sa gihimong sunod sunod nga Anti-Illegal Drug Operation sa kapulisan sa Gensan niadtong nakalabayng simana.
Hugtanon usab nga nanghimakak ang suspek nga siya lambigit sa pagpamaligya ug iligal nga droga. Sumala niini nga aduna syay kasabot nga maghotel apan natingala nalang kini nga dunay miabot nga upat ka lalaki ug usa ka babaye, didto na dayon siya gidakop ug gipasanginlang namaligya ug shabu.
Kasong kalapasan sa RA 9165 ang takdang atubangon sa suspek kansa balhog karon sa Silda sa Police Station 3.
