Ginpatigayon kahapon nga adlaw ang Enero 31, 2019 ang ground breaking ceremony sa itukod nga dugang nga building sa duha ka mga ospital sa probinsya sang South Cotabato sa pagpanguna ni South Cotabato Governor Daisy Avance Fuentes, Congressman Ferdinand Hernandez sang South Cotabato Second District, Sangguniang Panlalawigan members kag nagkalain-lain nga alkalde sa probinsya kag iban pa.
Nangin dinapit nga bisita si Senator JV Ejercito sa 148 milyon pesos para sa Upper Valley Community Hospital extension sa diin isa sa ginaduso nga mangin SOCSKSARGEN General Hospital.
Ang nasambit suno pa nga extension sang upper valley community hospital amo ang Dialysis Services Unit, nursing kag rehabilitation services.
Lakip man sa ground breaking ang 4-storey building nga extension sang South Cotabato Provincial Hospital sa diin inisyal nga P200 milyon ang ginpain nga pondo sa nasambit nga proyekto.
Sa tion nga matapos na ang duha ka extension sang nasambit nga ospital, mahagan-hagan na ang kagutok sang mga pasyente kag mahatagan na sang dugang nga serbisyo ang publiko.
Luwas suno pa sa pondo para sa improvement sang duha ospital, nagpain man sang pondo ang gobyerno para sa hospital equipment para magamit gilayon ang nasambit nga proyekto
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
