Nanguna si Gobernador Yevgeny Emano sa groundbreaking and capsule-laying sa planta sa Oolong Tea processing Center nga nahimutang sa Barangay Kalagonoy, Gingoog City kagahapon sa buntag.
Ang Oolong nag-inusarang tsaa nga makita dinhi sa nasud. Gipasabot ni Provincial Agriculturist Apollo Pacamalan nga kini ang pinakaunang tea processing center dinhi sa Mindanao ug tumong niining matabangan ang mga mag-uuma.
Mokabat sa 10-15 ka ektaryang luna sa yuta ang giluagon sa tukoran sa planta sa Oolong Tea.
Giaghat usab sa opisyal ang mga mag-uuma nga motabang pagtanom sa maong tsaa. Ang mga makinaryang gamiton sa planta gikan sa Department of Trade and Industry o DTI nga nagkantidad sa usa ka milyon ka pesos.
Lakip sa mitambong sa groundbreaking mao sila Lt. Col Roy Derilo, ang commander sa 58th IB, Police Senior Superintendent Rolando Destura, ang provincial director sa Misamis Oriental, Gingoog City Mayor Marie Guingona, Vice mayor Ruthie Guingona, mga miýembro sa Misamis Oriental Department Heads Association ug mga kapitan sa nagkadaiyang barangay, mga BHW ug presidente sa Senior Citizen.
