Himoon na ugmang adlawa ang groundbreaking sa bag-ong Puerto Public Market sa alas dos sa hapon.
Tungod niini, gilaumang mausab na ang panagway sa maong merkado human napasagdan sa sobra 20 ka tuig.
Matud sa City Information Office nga ang groundbreaking and capsule laying ceremony pangunahan ni Cagayan de Oro City Mayor Oscar Moreno, Bise Mayor Kikang Uy, mga city councilors ug Majority Floor Leader Ian Mark Nacaya, kinsa maoy nangusog nga mapatuman ang Puerto redevelopment project isip chairman sa komitiba sa economic enterprise.
Gitagaan og prayoridad sa administrasyon ni Mayor Moreno uban sa suporta sa konseho ang moderno, state-of-the-art, 3-storey New Puerto Public Market.
Kini agi’g tubag sa hangyo sa mga mamaligyaay ug katawhan sa esteng bahin sa syudad nga matul-id o i-redevelop ang nagubang merkado publiko.
