LA CASTELLANA – Tigayon na nga nagfile kahapon sang ila Certificate of Candidacy ang Grupo Arangka sang La Castellana sa pagpanguna ni Mayor Rhumyla Nicor Mangilimutan upod kay Vice Mayor Manuel Vera kag mga kandidato sa pagkakonsehal.
Ang mga konsehales amu naman sanday Ryan Canoy, Alberto Nicor III, Remuel Lajo, Ian Villaluz nga lunsay incumbent samtang si Lajo kag Villaluz gikan ini sa grupo ni Kapitan Chad Feria apang nagsaylo sa grupo ni Mayor Mangilimutan.
Samtang ang mga bag ohan naman amo sanday Cristina Vera,Añejo Nicor,Isidro Regie Arnaiz kag Jert Tamon.
Ini sila yara sa idalum sang National Unity Party, United Negros Alliance(NUP- UNEGA).
Ang grupo Arangka ang ginsuportahan sang mga pumuluyo nagikan pa sa mga malayo kag nabukid nga mga Barangay lakip man ang yara sa Poblacion.
Antis nagfile ang Grupo Arangka alas tres ang takna sang hapon nagpatigayon anay ini sila sang pagpangamuyo upod sa United Pastors sang La Castellana agud magpangayo giya para sa ila kandidatora.
Handom ni Mayor Mangilimutan nga mag madinalag-on ang ila grupo sa palaabuton nga Mayo 2019 nga election agud mas pa gid nga mapasanyog ang banwa./Grace Supe
