Grupo ng mga taxi driver, dismayado sa P5 na taas-pasahe; P20 na petisyon para sa flagdown rate, inihain sa LTFRB

53

Humiling ng 20 pesos na flagdown rate ang grupo ng mga taxi driver kaugnay ng pagkadismaya ng mga ito sa limang pisong taas-pasahe sa taxi na itinakda kamakailan ng Land Transportation Franchising and Regulatory Board (LTFRB).

Sa interview ng RMN Manila kay LTFRB Chairman Atty. Cheloy Garafil, imposible ang hinihiling na dagdag-pasahe ng nasabing grupo dahil lubhang maaapektuhan ang mga mananakay, lalo na’t mataas ang inflation rate sa bansa.

Dagdag pa ni Garafil, binalanse lamang ng ahensya ang pagtatakda ng taas-pasahe sa pagitan ng mga driver at pasahero.


Samantala, higit 50 ruta naman ang inaasahang bubuksan ng LTFRB sa susunod na linggo sa Metro Manila bilang bahagi ng phase 2 ng re-opening ng mga lumang ruta sa lungsod.

Facebook Comments