Gitawag ni Mayor Oscar Moreno nga “Power Hungry” ang grupo sa mga tawo nga nagtinguha sa pagpalagpot sa katungdanan ni kanhi Senate President Senator Aquilino Martin Koko Pimentel III isip Presidente sa Partido PDP Laban.
Mao kini ang gibutyag ni Moreno human iyang nasayran nga dunay grupo sa mga tawo sa Metro Manila nga nag-organized sa ilang kaugalingon ug nagtinguha nga ilang ipalagpot si Pimentel sa pagka leader sa ilang Political Party.
Apan matud ni Moreno nga kaya ni Koko losotan ang dautang tinguha sa mga tawo sa paghukas sa iyang puwesto sa ilang partido.
Sa iyang kabahin, gikumpirmar Senator Koko Pimentel III nga dunay disgruntle member sa Partido PDP Laban sa Metro Manila nga nagpahigayon sa ilang illegal nga Assembly ug nagtinguha sa pagpalagpot sa iyang katungdanan, isip Presidente sa PDP Laban.
Matud ni Pimentel nga ang maong mga grupo nagsagol-sagol ug ang uban kanila gi-expelled na man gani sa PDP Laban ug ang uban, dili member sa ilang Partido.
Samtang, nagpadayag usab sa iyang reaksyon si Former Senate President Former Senator Aquilino Pimentel Jr. alias “Nene” sa tinguha sa pagpalagpot sa puwesto ni Koko sa pagka Presidente sa iyang gitukod nga Partido PDP Laban.
Matud sa amahang Pimentel nga “Privilege” sa mga member sa Partido ang pagpalagpot sa ilang leader apan dapat moagi kini sa rules and regulation.
Gidugang ni Pimentel nga iya na lamang gitugyan sa mga miyembro sa iyang gitukod nga partido kon unsay kapalaran sa ilang political party.
