Nangharos ang grupo ni Kapitan Yan Lam Lim sa Barangay 40 sa eleksyon sa Liga ng mga Barangay dinhi sa Cagayan de Oro kagahapon sa udto.
Si Lim nakakuha sa 46 botos kontra ni Kapitan Conrad Lim sa Barangay 33 nga nakakuha sa 34 botos lamang.
Si Kapitan Marlo Tabac, midaog usab sa pagka Vice President nga nakakuha sa 45 botos kontra ni kapitan Pedro Balite sa Kauswagan nga nakuha sa 35 botos lamang.
Si kapitan Clark Yap, napili isip Auditor ug nakakuha sa 72 votes nga walay kontra.
Matud ni Lim nga human sa iyang kadaugan, iya nang gilimtan ang politika ug iyang gipasalamatan si Mayor Oscar Moreno, Congressman Rolando Uy, Vice Mayor Rainer Joaquin Uy, ug mga City Councilor ning syudad sa ilang pagsuporta sa iyang kandidatora.
Facebook Comments
